دوبیتی نو ومدرن هزارگی

خیره موشوم ده نخش پایی دیده

از دور که توغ کده گولنده میه

کرخت موشوم پیش چیمایی دیده

لبای شی یه ده خنده میه سرشیو

چجین خوره گولنده میه سرشیو

ده را گشتو کسه پسین نمونه

خانه شی سر بنده میه سر شیو

مه قربان دو دندان صدف شی

پایمه بیر بیر مونه موروم طرف شی

دل مه موشه که راز دل بگویوم

نگفته شفتالو مندوم ده شف شی

امو  دختر که دیستای شی رووشه

چرا دل شی ده آشوقی نموشه

اگه او توغ نکه سونمه الاهی

کوزه شی میده شه اوشی لاووشه

#محمد_سعیدی-1394/11/1